Մայիսի 10-ին, ժամը 17:00-ի սահմաններում, ոստիկանության Նաիրիի բաժնի քրեական հետախույզները, օպերատիվ տվյալներն իրացնելով, Զովունի-Քանաքեռավան ճանապարհի խաչմերուկից, գողություն կատարելու կասկածանքով, բերման են ենթարկել Հայկավան գյուղի բնակիչ Մ․ Ս-ին:
Ոստիկանությունից NEWS.am-ին հայտնում են, որ պարզվել է, որ նա նույն օրը Եղվարդի երկու շինանյութի խանութներից գողություններ է կատարել: Ձեռնարկվում են միջոցառումներ գողոնը հայտնաբերելու ուղղությամբ: Տուժողներին պատճառած վնասի չափը պարզվում է:
Փաստի առթիվ նախապատրաստվում են նյութեր:
