Եվրոպայի խորհրդի տեղական և տարածաշրջանային իշխանությունների կոնգրեսի պատվիրակությունը Հայաստանում կգտնվի մայիսի 13-ին և 14-ին, որպեսզի գնահատի մեր երկրի կողմից 2002թ․ վավերացված Տեղական ինքնակառավարման եվրոպական խարտիայի դրույթների իրագործման ընթացքը։ Հայաստանում տեղական և տարածաշրջանային ժողովրդավարության հարցերով համազեկուցողներ Բրիոնի Ռուդկինը և Գունն Մարիտ Հելգեսենը կուսումնասիրեն մեր երկրում տեղական ինքնակառավարման զարգացումը Կոնգրեսի 2014թ․ առաջարկներից և 2016թ․ ճանապարհային քարտեզի ստորագրումից հետո։ Նրանք կհանդիպեն տեղական կառավարման և զարգացման նախարար Սուրեն Պապիկյանի, ԱԺ տեղական կառավարման մշտական հանձնաժողովի նախագահ Վարազդատ Կարապետյանի, Հաշվիչ պալատի նախագահ Լևոն Յոլյանի և Մարդու իրավունքների պաշտպանի գրասենյակի ներկայացուցչի հետ։

Պատվիրակությունը նաեւ հանդիպում կանցկացնի Չարենցավանի քաղաքապետ Հակոբ Շահգելդյանի, Սոլակի քաղաքապետ Էդգար Խաչատրյանի, ինչպես նաեւ տեղական եւ տարածաշրջանային իշխանությունների մի քանի հայկական ասոցիացիաների ներկայացուցիչների եւ Կոնգրեսում հայկական պատվիրակության անդամների հետ։ Զեկույցի նախագիծը եւ խորհրդատվության նախագիծը 2019թ․ հաջորդ նիստերից մեկում պետք է ներառվեն Տեղական ինքնակառավարման եվրոպական խարտիայի անդամ-պետությունների պարտավորությունների կատարման հանձնաժողովի հաստաման օրակարգում։