ԱՄՆ ՌԾՈւ նավերը Պարսից ծոցում գտնվում են ԻՀՊԿ եւ Իրանի զինված ուժերի լիակատար հսկողության ներքո։ Այս մասին ասել է Իսլամական հեղափոխության պահապանների կորպուսի գլխավոր հրամանատարի տեղակալ, գեներալ Ալի Ֆադավին, տեղեկացնում է Mehr-ը։

Նա նշել է, որ երկար տարիներ Պարսից ծոցը շրջապատված է եղել  ԻՀՊԿ ուժերով եւ երկրի բանակով, «ամեն բան գտնվում է մեր խիստ հսկողության ներքո, մասնավորապես՝ Հորմուզի նեղուցի հյուսիսային մասը»։

Այսօր ԱՄՆ-ը նվազագույն քանակությամբ ռազմածովային նավատորմ ունի Պարսից ծոցում, ուստի անհանգստանալու բան չկա, ԻՀՊԿ-ն եւ երկրի բանակը լիովին վերահսկում են Պարսից ծոցը։