Մաուի կղզում (ԱՄՆ) տարեց տղամարդը զոհվել է շնաձկան հարձակման պատճառով, տեղեկացնում է Gazeta-ն՝ հղում կատարելով The Guardian-ին։

Ենթադրաբար 65-ամյա ամերիկացին Կալիֆոռնիայի նահանգից լողում էր ափից 50 մետր հեռավորության վրա, երբ նրա վրա հարձակվել է գիշատիչը։ Մաուի շրջանի հրշեջ եւ հանրային անվտանգության վարչությունը ուղղաթիռ է ուղարկել եւ հիդրոցիկլ, որպեսզի տուժածին հասցնեն ափ եւ վերակենդանացնեն նրան։ Տղամարդը տեղում մահացել է։

Կաանապալի լողափում, որտեղ տեղի է ունեցել հարձակումը, նախազգուշացնող նշաններ են դրել։ Սա առաջին մահացու դեպքն է 2015 թվականից ի վեր, որ տեղի է ունեցել Հավայան կղզիներում։