2018 թ. hոկտեմբերի 1-ին հաղորդում էր ստացվել, որ օրեր առաջ մայրաքաղաքի կենտրոնում գտնվող ժամացույցների խանութ-սրահից անհայտ անձը գողացել է «Քասյո» ապրանքանիշի ժամացույց:

Ոստիկանությունից NEWS.am-ին հայտնում են, որ նույն խանութից մի ահազանգ էլ ստացվել է այս տարվա հունվարի 14-ին: Խանութի տեսահսկող սարքերի տեսագրությունների ուսումնասիրությամբ պարզել էին, որ անցած տարվա դեկտեմբերի 23-ին անհայտ անձը գողացել է նույն տեսակի ժամացույց՝ պատճառելով 208 հազար դրամի վնաս:

Մայիսի 25-ին ոստիկանության Երեւան քաղաքի վարչության ՊՊԾ գնդի ծառայողները Հյուսիսային պողոտայից, գողություն կատարելու կասկածանքով, բերման են ենթարկել մոտակա գյուղերից մեկի բնակիչ 38-ամյա մի տղամարդու եւ մի կնոջ:

Ձեռնարկված միջոցառումների շնորհիվ պարզվել է, որ նշված գողությունները կատարել են վերջիններս: Նրանք տվել են խոստովանական բացատրություն:

Ձեռնարկվում են միջոցառումներ գողոնները հայտնաբերելու ուղղությամբ:

Կատարվում է նախաքննություն: