Անկարան դժգոհ է Եվրահանձնաժողովի «անարդար» քննադատությունից: Այս մասին հայտարարել է Թուրքիայի արտաքին գործերի նախարարի տեղակալ Ֆարուկ Քայմաքչին, հաղորդում է Reuters-ը:
Նրա խոսքով՝ Թուրքիան մանրակրկիտ կուսումնասիրի քննադատությունը: Ընդ որում, նա նշել է, որ Անկարան ակնկալում է, որ եվրոպացի դաշնակիցները կաջակցեն անվտանգության սպառնալիքների դեմ իր ջանքերը:
Զեկույցում ասվում է, որ Թուրքիան նախկին պես անջատվում է Եվրամիությունից, ինչի կապակցությամբ անդամակցության մասին բանակցությունները փակուղի են մտել:
«Բանակցային գործընթացի ոչ մի հետագա գլուխ չի կարող դիտարկվել գործընթացի բացման կամ փակմա համար»,- նշվում է զեկույցում:
Թուրքիան, որը 1964 թվականից ԵՄ ասոցացված անդամ է, անդամակցության հայտ էր ներկայացրել 1987 թվականից: Բանակցային գործընթացը սկսվել էր 2005 թվականի հոկտեմբերի 3-ից: Անդամակցության համար Թուրքիան պետք է ավարտի Եվրահանձնաժողովի հետ 35 կետերից 33-ի շուրջ բանակցությունները:
