ԱԺ նախագահ Արարատ Միրզոյանը լրագրողների հետ զրույցում չհերքեց, որ օրերս ԱԺ միջանցքում բացված Նարգիզ Փաշայանի ցուցահանդեսից երեք կտավ գնել է Ազգային ժողովի համար:
«Նկարիչը սիրով համաձայնեց չափազանց մեծ զեղչ անել»,-ասաց նա:
Դիտարկմանը, որ խոսքը 15-20 հազար դոլարի մասին է, Արարատ Միրզոյանն ասաց. «Չեմ կարծում, թե այդքան է: Դա մեր ձեռքբերման գինը չէ: Իսկապես գինը չեմ կարող ասել, բայց եթե հիշողությունս չի դավաճանում, խոսքը 70-80 տոկոս զեղչի մասին է:
ԱԺ-ն ունի սրահներ, որտեղ տարբեր հյուրերի է ընդունում: Նախկինում ԱԳՆ-ում, Կառավարությունում եղել է պրակտիկա, որ վերցնում էին Ազգային պատկերասրահից ժամանակավոր պահպանման համար»,-ընդգծեց նա:
