ԱՄՆ-ում չղջիկը, որը թաքնվել է iPad-ի հետնամասի և պատյանի միջև, կծել է տղամարդուն:
Նյու Հեմփշիրի 86-ամյա բնակիչ Ռոյ Սիվերտսոնը WMUR-TV-ին հայտնել է, որ պլանշետն գօտագործել է մեկ ժամ, ապա չղջիկը դուրս է եկել և կծել նրան: Նրա խոսքով՝ սկզբում կարծել է, թե մոծակ է կծել, ապա տեսել է, թե ինչպես է չղջիկը դուրս գալիս պլանշետի արանքից:
Տղամարդու խոսքով՝ նա չղջիկին բաց է թողել փողոց, ապա առավոտյան հայտնաբերել, որ այն սատկել է: