ԱՄՆ Տեխաս նահանգի Դալլաս քաղաքում ամպրոպի ժամանակ ողբերգություն է գրանցվել. բազմահարկ համալիրի տանիքից ամբարձիչի ընկնելու հետեւանքով 1 մարդ է մահացել, 6-ը՝ վնասվածքներ ստացել, փոխանցում է BBC News-ը:
Ոստիկանությունից հայտնել են, որ ընկնելիս ամբարձիչը բախվել է բնակելի համալիրի 5 հարկերին:
Դրանից բացի, ավերվել է շենքի տանիքի կայանատեղին:
Տեղական լրատվամիջոցները հայտնում են, որ պատահարի հետեւանքով կին է մահացել: Վեց տուժածներից մեկի վիճակը կրիտիկական է:
Պատահարի վայրում փրկարարներ են աշխատում: