Եվրոպական երկրները դիտարկում են Վենեսուելայի նախագահ Նիկոլաս Մադուրոյի եւ մի քանի բարձրաստիճան անձանց դեռ պատժամիջոցներ կիրառելու հարցը՝ չնայած դեռեւս կան տարաձայնություններ այդպիսի գործողություններ կատարելու ժամկետների շուրջ ճգնաժամից երկիրը դուրս բերելու մասին բանակցային գործընթացը չվտանգելու մտահոգությունների պատճառով: Այդ մասին հաղորդում է Associated Press-ը՝ վկայակոչելով եվրոպական դիվանագետներին եւ Վենեսուելայի ընդդիմության ներկայացուցիչներին:
Մեծ Բրիտանիան, Ֆրանսիան, Գերմանիան, Իսպանիան եւ Նիդերլանդները դիտարկում են ֆինանսական պատժամիջոցներ սահմանելու եւ ուղեւորությունները սահմանափակելու հարցը:
Երկու աղբյուրների խոսքերով՝ չնայած Մադուրոն այն պաշտոնյաներից է, որոնց դեմ կարող են կիրառվել պատժամիջոցներ, վերջնական որոշումը դեռեւս չի ընդունվել: Երկրները դեռեւս պետք է հաղթահարեն ներքին տարաձայնությունները նախքան ԵՄ-ի գործադիր իշխանությանը պաշտոնական առաջարկով ներկայանալը:
