News
Լրահոս
News
Կիրակի
Հուլիս 12
USD
486.73
EUR
549.62
RUB
6.84
ME-USD
0.02
Տեսնել լրահոսը

Եվրամիության հետ անվիզա ռեժիմ ունեցող երկրներից ապաստանի հայցորդների աճող թվաքականի հետ կապված՝ Եվրահանձնաժողովը սպառնացել է պատասխան միջոցներ կիրառել։ Եթե գործընթացը շարունակվի, ԵՄ-ը կարող է դադարեցնել անվիզա ռեժիմը որոշ երկրների համար, ասել է ԵՄ միգրացիայի եւ ներքին գործերի հանձնակատար Դիմիտրիս Ավրամոպուլոսը հունիսի 17-ին, տեղեկացնում է DW-ն։

Ավրամոպուլոսի խոսքով՝ միջոցները կարող են վերաբերել Արեւմտյան Բալկանների եւ Լատինական Ամերիկայի երկրներին։ «Մեր ուղերձը այն պետություններին, որոնց քաղաքացիներն իրավունք ունեն առանց վիզայի մտնել ԵՄ, պարզ է. այդ առավելությունը պաշտպանելը ձեր պատասխանատվությունն է»,- ընդգծել է եվրահանձնակատարը։ Նա հույս է հայտնել, որ նման ծայրահեղ միջոցներից դեռ կարելի է խուսափել։

Այնինչ, ԵՄ-ում անլեգալ ապաստան փնտրողների թիվը նվազել է 2014 թվականի մակարդակին։ 2019-ի առաջին ամիսներին այն շարունակում էր ընկնել եւ հասել էր 32 400 մարդու՝ նվազելով 31 տոկոսով նախորդ տարվա նույն ժամանակամիջոցի համեմատ։

Միգրացիոն գործընթացների աջակցության եվրոպական բյուրոյի (EASO) տվյալներով՝ ընթացիկ տարվա առաջին չորս ամիսներին գրեթե յուրաքանչյուր չորրորդ հայտարարությունը ԵՄ-ում ապաստարանի մասին տրվել է ԵՄ-ի հետ անվիզա ռեժիմի համաձայնագիր ունեցող երկրից։

Օրինակ, Վենեսուելայից ապաստան խնդրողների թիվը 2018-ի նույն ժամանակամիջոցի համեմատ ավելացել է 121 տոկոսով եւ հասել 14 257 մարդու, Կոլումբիայից՝ 156 տոկոսով (8097 մարդ), Ալբանիայից՝ 30 տոկոսով (7138 մարդ)։ Դրական պատասխան է ստանում հայցորդների միայն նվազագույն մասը։

Ավելի վաղ՝ հունիսի 10-ին, տեղեկացվել էր, որ ԵՄ-ում ապաստան խնդրողների ընդհանուր թիվը էապես բարձրացել է։ Հունվարից մինչեւ ապրիլի վերջ  206 հազար 500 մարդ առաջին անգամ ապաստան խնդրելու միջնորդություն է ներկայացրել ԵՄ տարածքում, ինչը 15 տոկոսով ավելին է, քան անցած տարվա նույն ժամանակամիջոցում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵՄ խոշոր կուսակցության առաջնորդը պատմական սխալ է անվանել ԵՄ-ին Թուրքիայի անդամակցության մասին բանակցությունները
Եվրահանձնաժողովը հավանություն է տվել մինչեւ 500 մլրդ եվրոյի չափով հիմնադրամի ստեղծման հարցով Գերմանիայի ծրագրերին
Եվրոպան դուրս կգա ճգնաժամից ավելի ուժեղացած, քան երբեւէ
Նրա խոսքով՝ ներկայում մենք տեսնում ենք, որ համավարակի դեմ չի կարելի պայքարել ստի եւ ապատեղեկատվության միջոցով, այնպես ինչպես ատելությամբ եւ քարոզչությամբ․․․
Հունաստանի խորհրդարանը վավերացրել է ՀՀ-ԵՄ համապարփակ եւ ընդլայնված գործընկերության համաձայնագիրը
Ս.թ. հուլիսի 1-ին Հունաստանի Խորհրդարանի արտաքին գործերի եւ ազգային պաշտպանության մշտական հանձնաժողովում, վավերացմանը նախորդել էր համաձայնագրի…
Գերմանիան մոտ 10 հազար միգրանտ է ընդունել ԵՄ-ի եւ Թուրքիայի միջեւ կնքված համաձայնագրի շրջանակներում
Սա նշանակում է, որ Գերմանիայի Դաշնային Հանրապետությունը երկու անգամ ավելի շատ միգրանտ է ընդունել, քան Ֆրանսիան․․․
Եվրահանձնաժողովը կրկին նվազեցրել է ԵՄ երկրների համար տնտեսական կանխատեսումը