Հունիսի 20-ին ավտովթար է տեղի ունեցել Երեւանում:
Shamshyan.com-ը հայտնում է, որ ժամը 19:15-ի սահմաններում Աճառյան փողոցում բախվել են Երեւանի բնակիչ, 29-ամյա Արմեն Ավագյանի վարած Toyota մակնիշի 015 HH 01 համարանիշի եւ Երեւանի բնակիչ, 37-ամյա Արեն Թեմուրյանի վարած Opel մակիշի 35 MT 453 համարանիշի ավտոմեքենաները:
Վթարի հետեւանքով Opel-ի վարորդ Ա. Թեմուրյանը մարմնական վնասվածքներով տեղափոխվել է հիվանդանոց: Դեպքի վայր են ժամանել ճանապարհային ոստիկանության ծառայողները:
Toyota-ի համարանիշները հաշվառված են ՀՀ Ազգային ժողովի հաշվեկշռում եւ սպասարկում է Ազգային ժողովի «Իմ քայլը» խմբակցության պատգամավոր Վլադիմիր Վարդանյանին: Պատգամավորը վթարի պահին ավտոմեքենայում չի եղել եւ վթարի մեղավորը եղել է իր վարորդը, ով ընդունել է իր մեղավորությունը: Ժամանել են նաեւ ապահովագրական ընկերության ներկայացուցիչները: