Վայոց Ձորի մարզի Քարագլուխ և Գնիշիկ գյուղերում մանր եւ խոշոր եղջերավոր կենդանիներ են հարկադիր սպանդի ենթարկվել բրուցելոզի հետևանքով: Այս մասին NEWS.am-ի հետ զրույցում ասաց ՍԱՊԾ տեղեկատվության և հասարակայնության հետ կապերի բաժնի պետ Անուշ Հարությունյանը:
«Վայոց ձորի մարզի Քարագլուխ եւ Գնիշիկ համայնքներում 24 խոշոր եւ 124 կամ 126 մանր եղջերավոր կենդանի է հարկադիր սպանդի ենթարկվել բրուցելոզ հիվանդության պատճառով: Մենք մեր մասով գործողություններ կատարել ենք, խոշոր ու մանր եղջերավոր կենդանիներից արյան նմուշառում է արվել, փորձաքննություն է կատարվել, և այն կենդանիների մոտ, որոնց շրջանում հայտնաբերվել է հիվանդությունը, ենթարկվել են սանիտարական սպանդի»,-ասաց նա` նշելով, որ կանխարգելման միջոցառումներ չեն իրականացվում, քանի որ այս հիանդությունը նման միջոցառումներ չի նախատեսում, այս դեպքում գործողությունները միայն վերահսկիչ են:
Անուշ Հարությունյանը նշեց, որ այս հիվանդությունից կենդանիների սպանդի դեպքում Կառավարության կողմից որեւէ փոխհատուցում չի նախատեսվում:
