News
Լրահոս
News
Երեքշաբթի
Հոկտեմբեր 22
USD
475.96
EUR
530.36
RUB
7.48
ME-USD
0.08
Տեսնել լրահոսը

Փախստականները ԵՄ երկրներում պաշտպանություն գտնելու խնդրագրեր արդեն երրորդ տարին անընդմեջ ավելի քիչ են ներկայացնում, միեւնույն ժամանակ, 2018-ին գրանցվել է նաեւ իշխանությունների դրական պատասխանների թվի նվազում, ասվում է Ապաստանի հատկացման եվրոպական գրասենյակի (EASO) զեկույցում, տեղեկացնում է ՌԻԱ «Նովոստի»-ն։

«2018-ին ԵՄ+ երկրներում (ներառում են Նորվեգիան, Շվեյցարիան, Լիխտենշտեյնը եւ Իսլանդիան- խմբ.) տրվել է միջազգային պաշտպանության 664 հազար 480 հայտ, ինչը վկայում է երրորդ տարին անընդմեջ տվյալների նվազման մասին, այս անգամ 10 տոկոսով»,- ասվում է գործակալության ամենամյա զեկույցում։

Հայտերի թիվը, այդկերպ, համադրելի է 2014-ի տվյալներին։ «Միգրացիոն ճնշումը ԵՄ արտաքին սահմաններին նվազում է երրորդ տարին անընդմեջ»,- ասվում է փաստաթղթում։

Աեմնից շատ ապաստան ստանալու հայտ  2018-ին ստացվել է Սիրիայի, Աֆղանստանի եւ Իրաքի քաղաքացիներից (նրանք միասին կազմել են բոլոր հայտատուների ավելի քան քառորդ մասը՝ 27 տոկոս)։ Թոփ-10-ում են նաեւ Պակիստանը, Նիգերիան, Իրանը, Թուրքիան (4-ական տոկոս), Վենեսուելան, Ալբանիան եւ Վրաստանը (3-ական տոկոս)։

«Ինչ վերաբերում է ընդունող երկրներին, ապա 2018-ին ապաստան ստանալու խնդրանքների մեծ մասը տրվել է Գերմանիայի, Ֆրանսիայի, Հունաստանի, Իտալիայի եւ Իսպանիայի համար։ Ընդհանուր առմամբ, այս հինգ երկրներին բաժին է ընկել բոլոր հայտերի գրեթե քառորդ մասը»,- ասվում է զեկույցում։

Ընդ որում՝ իշխանությունները 2018-ին  կայացրել են ավելի քան 601,5 հազար որոշում առաջին ատյանում, ինչը «39 տոկոսով պակաս է 2017-ի համեմատ»։

«Այսպիսով, 2018-ին ԵՄ+-ում տրվել են մի փոքր ավելի շատ խնդրանքներ, քան կայացվել են որոշումներ։ Որոշումների մեծ մասը (367,3 հազար կամ 61 տոկոս) բացասական է եղել, պաշտպանություն չի տրամադրվել»,- ասել են գործակալությունում։

Առաջին ատյանում ընդունվելու ցուցանիշը 2018-ին կազմել է 39 տոկոս՝ «նվազելով 7 տոկոսային կետով նախորդ տարվա համեմատ»։ Փախստականի կարգավիճակի ընդունման ավելի ցածր ցուցանիշներ գրանցվել են Սոմալիի, Իրանի, Իրաքի, Էրիթրեայի եւ Սիրիայի հայտատուների համար։

Ընդ որում՝ Վենեսուելայից, Չինաստանից, Սալվադորից եւ Թուրքիայից խնդրողների համար գրանցվել են տատանումներ դեպի ավելանալու կողմը»։ Ճանաչման ամենաբարձր ցուցանիշները եղել են Եմենի հայտատուների (89 տոկոս), Սիրիայի (88 տոկոս) եւ Էրիթրեայի (85 տոկոս) հանդեպ, իսկ ամենացածրները՝ Մոլդովայի (1 տոկոս), Հյուսիսային Մակեդոնիայի (2 տոկոս) եւ Վրաստանի (5 տոկոս) հանդեպ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բրեքզիթը ժամանակի եւ էներգիայի զուր վատնում է. Ժան-Կլոդ Յունկեր
Հոկտեմբերի 19-ին արտակարգ նիստի ընթացքում բրիտանացի խորհրդարանականները հավանություն են տվել փոփոխությանը, որը երկրի վարչապետին պարտավորեցնում է խնդրել ԵՄ-ին հետաձգել բրեքզիթը...
Արայիկ Հարությունյանը ԵՄ դեսպանի հետ քննարկել է Erasmus+ ծրագրի շրջանավարտների ցանց ստեղծելու
ՀՀ կրթության, գիտության, մշակույթի և սպորտի նախարար Արայիկ Հարությունյանն այսօր ընդունել է Հայաստանի Հանրապետությունում Եվրոպական միության պատվիրակության ղեկավար, դեսպան Անդրեա Վիկտորինին...
Մենք ԵՄ-ի հետ ծավալել ենք լայնամասշտաբ եւ փոխշահավետ համագործակցություն. ԱՆ փոխնախագահ
Մեկնարկել է «Աջակցություն արդարադատության նախարարությանը ԵՄ չափորոշիչներին համապատասխան իրավական մոտարկման հարցում» դասընթացը...
Կրթությունն ու մշակույթը՝ Հայաստան-ԵՄ համագործակցության համատեքստում․ ԿԳՄՍ նախարարն ընդունել է ԵՄ ներկայացուցչին
Կրթության, երիտասարդության, սպորտի եւ մշակույթի հարցերով գլխավոր տնօրենին…
Մեծ Բրիտանիայի խորհրդարանում շաբաթ օրը բրեքզիթի ծրագրի հարցով քվեարկություն տեղի կունենա
Դա վճռորոշ պահ կդառնա, որը, հավանաբար, վերջ կդնի այն փակուղուն, որում հայտնվել էր Մեծ Բրիտանիան...
Հայաստան-ԵՄ նիստ. Բրյուսելում ստորագրվել է Արբիտրների ցանկը հաստատելու մասին որոշումը
ՀՀ-ԵՄ Առեւտրի հարցերով գործընկերության կոմիտեի երկրորդ նիստի ավարտին…