Հունիսի 27, 2019թ. Ամերիաբանկը եւ Նաղաշյան Սոլուշնս ընկերությունը հանդես են գալիս համատեղ առաջարկով: Այսուհետ բոլոր իրավաբանական անձինք եւ անհատ ձեռներեցներն, ովքեր ցանկանում են բացել օնլայն խանութ, կարող են ստանալ նախընտրելի դիզայնով պատրաստի լուծում` հագեցած Ամերիաբանկի vPOS (վիրտուալ POS տերմինալ) վճարային գործիքի արագ եւ պարզ ինտեգրման հնարավորությամբ: Էլեկտրոնային առեւտրի այս պատրաստի լուծումը հնարավորություն է տալիս գործարկել օնլայն խանութ՝ առանց տեխնիկական/ծրագրավորման գիտելիքների, ընդունել առցանց վճարումներ տեղական եւ միջազգային Arca, Visa եւ MasterCard քարտերով՝ Բանկի vPOS վճարային գործիքի միջոցով: Էլեկտրոնային առեւտրի համար նախատեսված այս հարթակն առաջարկում է նաեւ կայքի համար նախապես մտածված եւ հատուկ մշակված դիզայներական լուծումներ, այդ թվում նաեւ՝ հարմարեցված (responsive) դիզայն` նախատեսված ամենատարբեր էկրանների համար:
Օնլայն խանութ բացելու համար հաճախորդները կարող են դիմել օնլայն` Բանկի կայքի միջոցով կամ այցելել Ամերիաբանկի ցանկացած մասնաճյուղ:
Նաղաշյան Սոլուշնս ընկերության հետ համագործակցության շրջանակներում Ամերիաբանկը մինչեւ 2019թ. դեկտեմբերի 31-ը ներառյալ այս ծառայությունից օգտվող եւ vPOS վճարային գործիքն օգտագործող իր հաճախորդներին կտրամադրի.
Visa Business կամ Mastercard Business վճարային քարտ`առանց տարեկան սպասարկման վճարի
Ամերիա Օնլայն բանկինգ համակարգ` մինչեւ 2 օգտագործող գրանցելու դեպքում, առանց տարեկան սպասարկման վճարի:
Բացի այդ, Բանկի vPOS վճարային գործիքն օգտագործող հաճախորդները հնարավորություն կունենան ստանալ վարկային գիծ.
օնլայն խանութի գործարկումից առնվազն 6 ամիս անց կատարված գործարքների շրջանառության հիման վրա
այլ բանկում քարտային կամ անկանխիկ գործարքների շրջանառության առկայության դեպքում հաճախորդի կողմից Բանկին հիմնավոր փաստաթղթերի ներկայացման (տեղեկանք, քաղվածք, այլ փաստաթուղթ) պարագայում: