Գազալցակայանների նախկինում իրականացրած տնտեսական գուծունեությանն առնչվող հարկային քննվող դեպքերը շարունակվում են: Այս մասին, այսօր՝ հուլիսի 9-ին, լրագրողների հետ հանդիպման ժամանակ նշեց ՊԵԿ նախագահ Դավիթ Անանյանը՝ հավելելով, որ դատական վեճ կա այդ անձանց հետ:

Հիշեցմանը, որ վարչապետ Նիկոլ Փաշինյանը գհրահանգել էր նույն գազալցակայանին օրական 6-7 անգամ ստուգել ու տուգանվել, եթե ՀԴՄ կտրոն չեն տալիս, Դավիթ Անանյանն ասաց. «ՀԴՄ-ները ընթացիկ հսկողական գործառույթների շրջանակում են, որոնք այսօր էլ ենք իրականացնում: Օրվա ընթացքում հաստատ 6-7 անգամ ստուգում չենք իրականացրել, որովհետեւ տեխնիկապես դրա իրագործելն այնքան էլ իրատեսական չէ: 6-7 անգամ հսկիչ գնում կատարելու համար պետք է համապատասխան գնման համար միջոցներ ունենանք, բայց 2-3 անգամվա դեպքեր ունենք»:

Նա նկատեց, որ գազալցակայանների եւ բենզալցակայանների ոլորտն այն ոլորտն է, որ ՀԴՄ կտրոն տրամադրելու տեսակետից մենք շատ անելիքներ ունենք. «Երբ հանդիպում ենք տնտեսվարողների հետ, մեզ հավաստիացնում են, որ իրենք իրենց ներսում էլ են պատժում ՀԴՄ չտրամադրողին: Բայց կազմակերպության ներսում էլ կան տարբեր շահեր: Օրինակ, երբ բնականոն գործունեության ժամանակ լցակայանի մոտ առաջանա որոշակի ավելցուկ, որը պետք է վաճառվի առանց ՀԴՄ կտրոնի, որ լցակայանի տնօրենն էլ չիմանա, որ այդ ավելցուկը վաճառվել է, թե ոչ»: