Ադրբեջանի իշխանությունները բացահայտ ֆաշիզմ են քարոզում, եւ ՅՈՒՆԵՍԿՕ-ի համար խայտառակություն է այնտեղ միջոցառումներ կազմակերպելը: Լրագրողների հետ հանդիպման ժամանակ այս մասին ասաց Ադրբեջանի հայերի ասամբլեա հասարակական կազմակերպության նախագահ Գրիգորի Այվազյանը:
Նա հիշեցրեց ֆաշիզմի քարոզչության բազմաթիվ փաստեր՝ Նախիջեւանում հայկական խաչքարերի ոչնչացումից մինչեւ ռամիլ սաֆարովի հերոսականացում: «Դրանից հետո մերոնք նստել եւ ափսոսում են, որ իրենց անվտանգության երաշխիքներ չեն տվել միջոցառմանը մասնակցելու համար: Ոչ թե ափսոսել է պետք, այլ ամեն ինչ անել, որ այդպիսի միջոցառումը Ադրբեջանում չանցկացվի»,- նշեց Այվազյանը:
Հիշեցնենք, որ խոսքը Բաքվում ՅՈՒՆԵՍԿՕ-ի Համաշխարհային ժառանգության կոմիտեի նստաշրջանի նիստի մասին է: