Հայաստանի ԱԻՆ-ում, այսօր՝ հուլիսի 25-ին, ժամը 01:56-ին «911» ծառայությանն ահազանգ է ստացվել, որ Երեւան–Սեւան ավտոճանապարհին տեղի է ունեցել ՃՏՊ. ավտոմեքենան գլորվել է ձորը, կա տուժած: Անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ եւ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Պարզվել է, որ Երեւան-Սեւան ավտոճանապարհի 17-րդ կմ-ին բախվել են «Opel Astra G» (վարորդ՝ Ա.Բ.) եւ «Lexus RX300» (վարորդ Ա.Ջ.) մակնիշների ավտոմեքենաները, ինչի հետեւանքով «Opel Astra G» մակնիշի ավտոմեքենան գլխիվայր շրջվել է:
Մինչ փրկարարների՝ կանչի վայր հասնելը «Opel Astra G» մակնիշի ավտոմեքենայի ուղեւոր Վ.Կ.-ն եւ «Lexus RX300» մակնիշի ավտոմեքենայի ուղեւոր Լ.Մ.-ն (ծնված 1996 թ.) հոսպիտալացվել են Աբովյան քաղաքի ԲԿ, որտեղ բժիշկները տուժածների առողջական վիճակները գնահատել են միջին ծանրության:
Փրկարարները փակել են ավտոմեքենաների գազի բալոնների փականները եւ սահմանազատել տարածքը: