ԻՀՊԿ հրամանատար, գեներալ-մայոր Հոսեյն Սալամին «մեծ սուտ» է անվանել ԱՄՆ պնդումներն այն մասին, որ նրանք Հորմուզի նեղուցում իրանական անօդաչու են խոցել՝ ընդգծելով, որ Իսլամական Հանրապետությունը ոչ մի դրոն չի կորցրել, հաղորդում է Tasnim-ը:
«Ես պաշտոնապես հայտարարում եմ, որ Իսլամական Հանրապետության ոչ մի անօդաչու չի խոցվել»:
Նրա խոսքով՝ իրանական անօդաչուն, որը ինչպես ԱՄՆ-ն է պնդում, խոցեվել է, 3 ժամ 40 րոպե պարեկություն էր իրականացնում Պարսից ծոցում եւ լուսանկարում էր տարածաշրջանի եւ արտատարածաշրջանային նավերը: Նա ԱՄՆ-ին նաեւ կոչ էր արել իր պնդումների ապացույցները ներկայացնել:
«Ես հստակ պնդում եմ, որ դա մեծ սուտ է եւ մենք ապացուցել ենք, որ դա ճիշտ է», - հավելել է նա:
ԱՄՆ նախագահ Դոնալդ Թրամփը հուլիսի 18-ին հայտարարել է, որ USS Boxer-ը ոչնչացրել է իրանական անօդաչուն այն բանից հետո, երբ անօդաչուն սպառնացել է նավին՝ նրանից 1000 մ սահմաններում թռչելով եւ անտեսել նահանջելու բազմաթիվ կոչերը:
Ավելի ուշ Պենտագոնը հայտնել էր, որ USS Boxer դեսանտային նավը պաշտպանական գործողություններ էր ձեռնարկել անօդաչուի դեմ, սակայն չէր հիշատակել, արդյոք դրոնը իրանական է: