ԱՄՆ դաշնային կառավարությունը կվերականգնի բանտարկյալների մահապատիժը՝ գրեթե 2 տասնամյակ անց, հաղորդում է CNBC-ը:
Գլխավոր դատախազ Ուիլյամ Բարրը բանտերի բյուրոյին կարգադրել է մահապատիժներ սահմանել 5 բանտարկյալների համար, որոնք դատապարտվել են սպանության եւ այլ հանցանքների համար: Մահապատիժները նշանակվել են 2019թ. դեկտեմբերին եւ 2020թ. հունվարին:
Ինչպես նաեւ ԱՄՆ արդարադատության նախարարությունը հայտարարել է մահապատժի նոր արձանագրության մասին՝ մահացու ներարկման համար 3 դեղամիջոցները փոխարինելով մեկով՝ պենտոբարիբիտալով:
Վերջին դաշնային մահապատիժն իրականացվել էր 2003թ.: Մահապատիժները կիրականացվեն Ինդիանա նահանգի Թերրե-Հոտ քաղաքի պենիտենցիար հաստատությունում:
