Ստամբուլի միջազգային կինոփառատոնի շրջանակներում ապրիլի 12-ին տեղի կունենա ֆիլմերի պրեմիերա, որոնք նկարահանվել են «Հայաստան Թուրքիա» կինոպլատֆորմի շրջանակներում։
Ինչպես NEWS.am-ը տեղեկանում է «Ոսկե Ծիրան» կինոփառատոնի մամուլի ծառայությունից, ընդհանուր առմամբ կցուցադրվի 5 ֆիլմ. Դիանա Քարդումյանի «Գալետա», Քանայ Օզդենի «Տիկնիկների Թատրոն», Գյուլենգյուլ Ալթինթաշի «Մի կորչեք երեխաներ», Արթուր Սուքիասյանի «Աղավնիների մասնագետ» եւ Գոհար Բաղդասարյանի «Հարեւաններ» ֆիլմերը։
Բոլոր կարճամետրաժ ֆիլմերն էլ ստեղծվել են «Ոսկե Ծիրան» եւ «Anadolu kultur» փառատոնների համատեղ ուժերով՝ Հայաստանում ԱՄՆ դեսպանատան աջակցությամբ:
