ԱՄՆ-ում մեկնարկել է իսրայելական Amos-17 հաղորդակցության արբանյակով Falcon 9 տանող հրթիռի արձակումը, որի հեռարձակումը կատարում է SpaceX ընկերությունը, փոխանցում է «ՌԻԱ Նովոստի»-ն:
Հրթիռի արձակման մեկնարկը կատարվել է Ֆլորիդայում Կանավերալ հրվանդանից: Falcon 9-ի առաջին աստիճանի համար սա երրորդ արձակումն է, այն 2 անգամ օգտագործվել է SpaceX-ի այլ կոմերցիոն մեկնարկների համար: Ընկերությունն այս անգամ չի նախատեսում պահպանել առաջին աստիճանը, սակայն կրկին կփորձի «որսալ» հրթիռի քթամասի շրջահոսիչը՝ հետագա օգտագործման համար:
Amos-17-ը պետք է փոխարինի 2011 թվականին արձակված Amos-5 արբանյակին, որի հետ կապն ընդհատվել է 2015 թվականին:
Առաջին աստիճանը չպահպանելու որոշումը պայմանավորված է այն հանգամանքով, որ իսրայելական արբանյակը շատ ծանր է. այն կշռում է մոտ 6,5 տոննա եւ տանող հրթիռի ամբողջ հզորությունը անհրաժեշտ է, որ այն դուրս բերվի երկրաստացիոնար ուղեծիր:
Boeing ընկերության կառուցած Amos-17 արբանյակը պատկանում է իսրայելական Spacecom Ltd-ին: 2016 թվականի սեպտեմբերին նախամեկնարկային կրակային փորձարկման ժամանակ տեղի ունեցած Falcon 9 հրթիռի պայթյունի հետեւանքով ընկերությունը կորցրեց Amos-6 արբանյակը: Պատահարից հետո SpaceX-ը վերանայել է պրակտիկան եւ այժմ իրականացնում է շարժիչների թեստային արձակում, որոնք սովորաբար անցկացվում են հրթիռի մեկնարկից մի քանի օր առաջ, առանց օգտակար բեռնվածության:
