Չորեքշաբթի օգտատերերը Apple կորպորացիային դատի էին տվել անձնական կյանքի անձեռնմխելիության իրավունքի խախտման պատճառով՝ կապված կապալառուների կողմից հրամանների գաղտնալսման հնարավորության հետ, որոնք տերերը տալիս են Siri ձայնային օգնականին, հայտնում է Bloomberg-ը:
Նրա տեղեկություններով՝ հայցն ուղարկվել է Հյուսիսային Կարոլինա շրջանի դատարանի քննարկմանը: Հայցը խմբային բնույթի է, որին կարող են միանալ բոլորը, ովքեր 2011 թվականից Siri-ով սարքեր ունեն: Հայցվորները Apple-ից փոխհատուցում են պահանջում, որի չափն առայժմ չի հստակեցվում, պահանջում են նաեւ ջնջել գրառումները, որոնք կատարվել են այս ձայնային պատասխանողով օգտատերերի շփումների ժամանակ:
Սա ԱՄՆ-ում նման կարգի առաջին հայցն է, նշում է Bloomberg-ը:
Օգոստոսի սկզբին Apple-ը ժամանակավորապես կապալառուներին արգելել էր լսել հրամանները, որոնք օգտատերերը տալիս են Siri-ին: