Հնդկաստանի իշխանությունները լուծարված Ջամու եւ Քաշմիր նահանգի տարածքում ձերբակալել են ավելի քան 500 մարդու, այդ թվում տեղական կուսակցությունների ներկայացուցիչների, հայտնում է All India Radio-ն:
«Իրավապահները Քաշմիրում ձերբակալել են ավելի քան 500 մարդու, նրանց թվում քաղաքական առաջնորդներ եւ ակտիվիստներ են: Բնակիչների մեծ մասը անվտանգության միջոցառումների ուժեղացման պատճառով մնում են տանը, ասվում է հայտարարությունում: «Ընդհանուր առմամբ, իրավիճակը տարածաշրջանում մնում է հանգիստ, Հնդկաստանի կառավարությունը միջոցներ է ձեռնարկում կարգուկանոն պահպանելու համար»:
Ավելի վաղ ANI գործակալությունը հաղորդել էր, որ Հնդկաստանի վարչապետ Նարենդրա Մոդին հինգշաբթի նախկին Ջամու և Քաշմիր նահանգում տիրող իրավիճակի հետ կապված ազգին ուղղված ուղերձով հանդես կգա:
Օգոստոսի 7-ին Պակիստանի իշխանությունները որոշել էին վտարել Հնդկաստանի դեսպանին այն բա նից հետո, երբ Նյու Դելին հայտնել էր Ջամմու եւ Քաշմիր նահանգի հատուկ կարգավիճակը չեղարկելու որոշման մասին:
Իսլամաբադը նաեւ հայտնել էր է Հնդկաստանի հետ դիվանագիտական հարաբերությունների մակարդակի նվազեցման եւ երկկողմ առեւտրի դադարեցման մասին:
Օգոստոսի 5-ին Նյու Դելին հայտարարել էր Ջամու եւ Քաշմիր նահանգը վերացնելու եւ այդ տարածաշրջանում երկու միութենական տարածքներ (վարչական միավորներ, որոնք ավելի քիչ իրավունք ունեն, քան նահանգը) ստեղծելու մասին: Այդ նպատակով խորհրդարանը հաստատել էր Սահմանադրության 370-րդ հոդվածի չեղարկումը, որը նահանգին հատուկ կարգավիճակ էր տալիս: