Օգոստոսի 19-ին, ժամը 3-ն անց 30-ի սահմաններում, ոստիկանություն զանգահարած քաղաքացին հայտնում էր, որ Լուկաշինի փողոցի տներից մեկում իրեն ծեծում են:
Ոստիկանությունից NEWS.am-ին հայտնում են, որ ոստիկանության Մաշտոցի բաժնի եւ պարեկապահակետային ծառայության գնդի ծառայողները նշված վայրում պարզեցին, որ 4 քաղաքացու միջեւ անձնական հարցերի շուրջ ծագել է վիճաբանություն, որի ընթացքում Երեւանի 36-ամյա մի բնակիչ ձեռքերով հարվածներ է հասցրել մի կնոջ:
Դեպքի վայրից երկու քաղաքացի կասկածանքով բերման են ենթարկվել ոստիկանություն: Այդ ընթացքում նրանք չեն ենթարկվել ոստիկանության ծառայողների օրինական պահանջներին, հնչեցրել են հայհոյանքներ եւ կոպիտ կերպ խախտել հասարակական կարգը:
Ոստիկանության բաժնում բերման ենթարկվածներից մեկը շարունակել է հակաօրինական վարքագիծ դրսեւորել, հարվածել է աշխատասենյակի պատուհանին, կոտրել այն եւ վնասել ձեռքը:
Նշանակվել են փորձաքննություններ:
Նախապատրաստվում են նյութեր:
