News
Լրահոս
News
Ուրբաթ
Հունիս 18
Տեսնել լրահոսը


ԱԳԲԱ Լիզինգն ու Վերակառուցման և Զարգացման Եվրոպական Բանկի «Կանաչ տնտեսության ֆինանսավորման ծրագիր»-ը (GEFF) համատեղ բիզնես միջոցառում են   անցկացնում, որը նպատակ ունի Հայաստանում խթանել վերականգնվող էներգիայի զարգացումն ու երկու տասնյակից ավելի երկրների փորձը ներմուծել Հայաստան:

«Հայաստանում վերականգնվող էներգիայի զարգացման հնարավորությունները մշտապես գտնվում են ԱԳԲԱ Լիզինգի ուշադրության կենտրոնում: Մեր «Գրին Լիզինգ» ենթաբրենդի ներքո մենք միշտ փնտրում ենք նոր հնարավորություններ և մեխանիզմներ՝ փորձելով ոչ միայն հասարակության լայն շերտերին հասանելի դարձնել «մաքուր» էներգիա ստանալու աղբյուրները, այլև ցանկանում ենք օգնել մեր փոքր և միջին ձեռնարկատերերին իրենց բիզնեսներում ներառել էներգաարդյունավետ սարքավորումներ և կատարել հավելյալ խնայողություններ»,- իր խոսքում նշել է ԱԳԲԱ Լիզինգի գլխավոր տնօրեն Աղասի Գասպարյանը:

«Կանաչ տեխնոլոգիաների, մասնավորապես արևային ֆոտովոլտային կայանների տեղադրումն ու ստացված արդյունքները տեսանելի են հայաստանյան բազմաթիվ բիզնեսներում: ԱԳԲԱ Լիզինգի գործընկեր կազմակերպությունները բավական կարճ ժամանակահատվածում արդեն իսկ գրանցել են ֆինանսական զգալի տնտեսումներ, ինչպես նաև նպաստել արտանետումների կրճատմանը, ինչն իր հերթին ճանապարհ է հարթում վերականգնվող էներգիայի և էներգաարդյունավետության բոլոր լուծումների տարածման համար»,- նշել է GEFF-ը Հայաստանում ծրագրի փոխկառավարիչ Անդրո Բուտխուզին:

Միջոցառման մասնակիցների կողքին ներկա էին նաև հաջողակ գործընկեր կազմակերպություններ: ԱԳԲԱ Լիզինգի գործընկեր ՀԱԷԿՇԻՆ ընկերությունը բավական կարճ ժամանակում արդեն իսկ գրանցել է խնայողությունների զգալի արդյունքներ:

«2019 թվականի հունվարին ԱԳԲԱ Լիզինգի հետ համագործակցության արդյունքում ստեղծել ենք մեր արևային կայանը: Արևային կայանների ստեղծման համար ներդրումները եղել են մոտավորապես 63 միլիոն դրամ և կարող եմ նշել, որ այս 7 ամիսների ընթացքում խնայել ենք մոտ 5 միլիոն դրամ»,- իր խոսքում նշեց ՀԱԷԿՇԻՆ ընկերության ներկայացուցիչ Ասյա Ղազարյանը:

ԱԳԲԱ Լիզինգն ու GEFF-ը Հայաստանում ծրագիրը համագործակցում են 2016 թվականից սկսած՝ նպատակ ունենալով Հայաստանում խթանել էներգաարդյունավետ ծրագրերի իրականացմանը:

ԱԳԲԱ Լիզինգն ԱԿԲԱ-ԿՐԵԴԻՏ ԱԳՐԻԿՈԼ ֆինանսական խմբի անդամ է, ընկերությունը  ՀՀ-ում լիզինգային շուկայի բացարձակ առաջատարն է:

Մանրամասն՝ տեսանյութում:

Տպել
Կարդացեք նաև
Ամբողջը
Բենզինի գինը բարձրացել է. ի՞նչ պատկեր է երեւանյան բենզալցակայաններում
Սա լուրջ գնային փոփոխություն է, որովհետեւ դա ամենօրյա օգտագործվող ապրանք է, եւ դրա գնաճը կարող է հանգեցնել…
Նավթը շարունակում է թանկանալ
Brent նավթի օգոստոսյան ֆյուչերսների գինն աճել է 0.29 տոկոսով...
Քոչարյան. Հայաստանն ունի հզորություններ` էլեկտրաէներգիա արտահանելու համար
«Մենք մեկուկես տարվա ընթացքում ամբողջ էներգահամակարգն առողջ վիճակի բերեցինք...
Ռոբերտ Քոչարյան. ՀԱԷԿ-ի կյանքը պետք է երկարացվի
Կանենք ամեն ինչ՝ «Մեծամորի» ԱԷԿ-ի կյանքը երկարացնելու համար...
Թուրքիան կիսվել է Սեւ ծովում ամերիկյան ընկերությունների կողմից գազի հանքավայր հայտնաբերելու տվյալների մասին
Եթե գազը կարելի է հայթայթել կոմերցիոն նպատակով, այդ բացահայտումը կարող է փոխել Ռուսաստանից, Իրանից ու Ադրբեջանից Թուրքիայի էներգետիկ կախվածությունը...
«Գազային անկլավներ» չեն լինի. Ռոբերտ Քոչարյան
2008թ. գազից 480 հազար օգտվող կար...
Ամենաշատ