Օգոստոսի 22-ին Շուշիի շրջանային բուժմիավորումից հաղորդում է ստացվել ԱՀ ոստիկանության Շուշիի շրջանային բաժին առ այն, որ նույն օրը ժամը 01:00-ին շտապ բուժօգնության անձնակազմը օգնություն է ցուցաբերել ձախ եւ աջ դաստակների վնասվածքներ ստացած ՀՀ Էջմիածին քաղաքի բնակիչ, 1987թ.ծնված Է. Մ-ին:
Արցախի ոստիկանությունից NEWS.am-ին հայտնում են, որ ԱՀ ոստիկանության Շուշիի շրջանային բաժնի ծառայողները պարզել են, որ նույն օրը ժամը 00:50-ի սահմաններում իրենց բնակարանում վիճաբանություն է առաջացել Է. Մ-ի եւ իր կնոջ՝ Շուշի քաղաքի բնակչուհի, 2001թ.ծնված Է. Ղ-ի միջեւ, որի ընթացքում Է. Մ-ն ապակու կտորով վնասել է դաստակները: Է. Մ-ին տրվել է դատաբժշկի ուղեգիր:
Ստուգմամբ զբաղվում է ԱՀ ոստիկանության Շուշիի շրջանային բաժինը:
