Google-ը ներկայացրել է իր Android բջջային օպերացիոն համակարգի նոր՝ տասներորդ վարկածը, տեղեկացնում է Meduza-ն՝ հղում կատարելով կորպորացիայի բլոգին։

Նոր օպերացիոն համակարգում նոր գործառույթ կա, որը ենթավերնագրեր է դնում ցանկացած աուդիո- եւ տեսագրության վրա։ Բացի այդ, Android-ի տասներորդ վարկածում մութ ռեժիմի անցնելու եւ բոլոր հավելվածներից ծանուցումներն անջատելու հնարավորություն կա՝ առանց դրանցից յուրաքանչյուրում մուտք անելու։

Android 10-ը հարմարեցված է ճկուն էկրանով սարքին եւ 5G աջակցություն ունի։ Բացի այդ, դրանում կան մոտ 50 նորամուծություններ, որոնք կապված են օգտատերերի տվյալների անվտանգութան եւ գաղտնիության հետ։

Նոր օպերացիոն համակարգը հասանելի է Google Pixel հեռախոսներում։ Այլ արտադրողների սարքերի վրա այն կհայտնվի մինչեւ տարեվերջ։

Google-ը 2009-ից Android-ի նոր վարկածներն անվանել է այբբենական կարգով, ի պատիվ աղանդերների եւ քաղցրավենիքների։ Իններորդ վարկածը, որը թողարկվել է 2018-ին, անվանվել է Pie («Կարկանդակ»), իսկ տասներորդի անվանումը սկսվում է Q տառով աղանդերից։ Բայց 2019-ի օգոստոսին Google-ը հայտարարեց, որ այդ համակարգն անհասկանալի է որոշ երկրների օգտատերերին։ Դրա համար նոր օպերացիոն համակարգն անվանվել է պարզապես Android 10։