Ավելի լավ երկիր ունենալու յուրաքանչյուրիս անհատական ցանկությունը իրագործված տեսնելու համար շատ կարեւոր է, թե ինչպիսի իշխանություն ենք ընտրում, ինչպես ենք իրացնում մեր ձայնը եւ հանուն ինչի ենք քվեարկում: Այս մասին ֆեյսբուքյան իր էջում գրել է Արցախի նախկին վարչապետ Արայիկ Հարությունյանը։
«Սիրելի՛ հայրենակիցներ,
Ավելի լավ երկիր ունենալու յուրաքանչյուրիս անհատական ցանկությունը իրագործված տեսնելու համար շատ կարեւոր է, թե ինչպիսի իշխանություն ենք ընտրում, ինչպես ենք իրացնում մեր ձայնը եւ հանուն ինչի ենք քվեարկում: Իսկ կառավարման համակարգում այս իմաստով էական դեր ունի տեղական ինքնակառավարման մարմինների ինստիտուտը, որը համայնքային խնդիրների լուծման գործում առաջնային տեղ է զբաղեցնում: Եվ ՏԻՄ ընտրությունները լավագույն հնարավարությունն են, որպեսզի մենք՝ քաղաքացիներս, ընտրենք ավելի բանիմաց ու նախաձեռնող ղեկավարի: Համոզված եմ՝ այդ գիտակցումը այսօր որոշիչ է լինելու բոլորիս համար:
Այս անգամ եւս, ավանդույթի համաձայն, ընտանիքիս հետ եմ ընտրատեղամաս այցելել: Բայց այն առանձնահատուկ էր նրանով, որ դստերս՝ Լուսինեի համար առաջինն էր: Նա եւս քվերակեց հանուն ավելի բարեկեցիկ ու զարգացած Ստեփանակերտի, հանուն այն լուսավոր ու պայծառ մայրաքաղաքի, որ ամեն օր ապրում է մեր սրտում»,–նշել է նա:
