ԱՄՆ նախագահ Դոնալդ Թրամփը հայտարարել է, որ Աֆղանստանում «Թալիբան» շարժման առաջնորդների հետ բանակցությունները դադարեցված են, եւ ինքը դեռեւս մտածում է ամերիկյան զորքերն այնտեղից հանելու մասին, տեղեկացնում է Reuters-ը։
«Որքանով ես եմ հասկանում, դրանք (բանակցությունները) մեռած են»,- լրագրողներին ասել է Թրամփը։ Ինչ վերաբերում է Աֆղանստանից ամերիկյան զինվորականների դուրսբերմանը, նա նշել է․ «Մենք կգնանք, երբ պետք լինի»։
Հիշեցնենք, որ Թրամփը Մերիլենդում աննախադեպ հանդիպում էր կազմակերպում թալիբների հետ։ Հանդիպումը պետք է կայանար անցած հանգստյան օրերին, սակայն նա չեղարկեց այն՝ անցյալ հինգշաբթի Քաբուլում տեղի ունեցած ահաբեկչության պատճառով, որի հետեւանքով մահացել էր ամերիկյան զինվորական ու եւս 11 մարդ։
