News
Լրահոս
News
Ուրբաթ
Փետրվար 28
USD
478.49
EUR
523.13
RUB
7.28
ME-USD
0.04
Տեսնել լրահոսը

Նիդերլանդների ձեռնարկատիրական զարգացման բանկը (FMO) եւ Ամերիաբանկը կնքեցին 20 մլն ԱՄՆ դոլարին համարժեք ՀՀ դրամով վարկային պայմանագիր` ուղղված Հայաստանում «կանաչ» ծրագրերի եւ երիտասարդ անձանց ֆինանսավորմանը:

FMO-ն առաջին անգամ է Հայաստանում իրականացնում ՀՀ դրամով ֆինանսավորում սեփական միջոցների հաշվին:

Յոթ տարի ժամկետով տրամադրվող վարկային միջոցներն ուղղվելու են վերականգնվող էներգետիկայի եւ էներգախնայող ծրագրերի ֆինանսավորմանը, ինչպես նաեւ մինչեւ 35 տարեկան անձանց առաջին անգամ բնակարանի ձեռքբերման, կրթության աջակցմանը կամ նրանց գերակշռող մասնակցությամբ իրավաբանական անձանց վարկերի տրամադրմանը:

«Մենք բարձր ենք գնահատում մեր վաղեմի գործընկերոջ` Նիդերլանդների ձեռնարկատիրական զարգացման բանկի հետ արժեքավոր համագործակցությունը, որի սկիզբը դրվել է դեռեւս 2009 թ-ին: Շարունակելով արդյունավետ համագործակցությունը` այս պայմանագրով մենք նոր հնարավորություններ ենք ստեղծում երկրի տնտեսության զարգացման եւ բնակչության բարեկեցության մակարդակի բարձրացման համար: Վերականգնվող էներգետիկայի եւ էներգախնայող նախագծերի ֆինանսավորումը կնպաստի էներգետիկայի ոլորտի կայուն զարգացմանը` բարձրացնելով ձեռնարկությունների եւ բնակչության շրջանում էներգիայի սպառման արդյունավետությունը, իսկ երիտասարդների համար նախատեսված ֆինանսավորման նոր հնարավորությունները կնպաստեն երկրում ձեռներեցության զարգացմանը, բնակչության կենսամակարդակի բարձրացմանը», - նշել է Ամերիաբանկի տնօրինության նախագահ-գլխավոր տնօրեն Արտակ Հանեսյանը:

«FMO-ն բարձր է գնահատում Ամերիաբանկի հետ տարիների արդյունավետ համագործակցությունը, որն ուղղված է Հայաստանի տնտեսության զարգացմանը: Տրամադրվող ֆինանսավորումն Ամերիաբանկին թույլ կտա շարունակել աջակցել վերականգնվող էներգետիկայի եւ էներգաարդյունավետության ոլորտում իրականացվող ծրագրերին, ինչպես նաեւ երիտասարդ ձեռներեցներին», - նշել է FMO-ի ներդրումների գծով տնօրեն Լինդա Բրոյքհուզենը:

!
Այս նյութը հասանելի է նաև   English
Տպել
Կարդացեք նաև
Ամբողջը
«Հայբիզնեսբանկ». Քարտից քարտ արագ փոխանցման հնարավորություն
Սիրով տեղեկացնում ենք, որ այսուհետ ՀԱՅԲԻԶՆԵՍԲԱՆԿԻ քարտապանները հնարավորություն ունեն կատարել քարտից քարտ փոխանցումներ Հայաստանի…
Արթուր Ջավադյանը կմասնակցի Նիդեռլանդների բանկի կողմից կազմակերպվող համաժողովին
Համաժողովի ընթացքում, մասնավորապես, քննարկվելու են տնտեսության եւ ֆինանսական համակարգի վրա էներգիայի փոխակերպման ազդեցությանը...
Ամերիաբանկն արժանացել է Միջազգային ֆինանսական կորպորացիայի 2 մրցանակի առեւտրի ֆինանսավորման ոլորտում (ֆոտո)
Մրցանակները վկայում են առեւտրի ֆինանսավորման ոլորտում Ամերիաբանկի հաջողության մասին: Առեւտրի ֆինանսավորման համաշխարհային ծրագրի (GTFP) շրջանակներում IFC-ի երաշխավորությամբ թողարկված վարկային…
Ապրիլին Երեւանում կկայանա FINTECH360 միջազգային համաժողովը
Ֆինանսական կազմակերպությունների հաճախորդների վարքագծային հատկանիշները…
«Ամերիաբանկ». օնլայն հաստատումով վարկեր 1000 խոշոր հարկատուների համար
Վարկը նախատեսված է հարկերի վճարման և այլ ընթացիկ գործունեության ֆինանսավորման համար...
Վաղարշապատ քաղաքում վերաբացվել է Արդշինբանկի «Վաղարշապատ» մասնաճյուղը
Հնարավոր հերթերից խուսափելու համար հաճախորդները կարող են ամրագրել իրենց այցելությունը Բանկի Մոբայլ բանկինգ հավելվածի միջոցով...