Երեւանում բացվել է Սեւծովյան տնտեսական համագործակցության Խորհրդարանական վեհաժողովի սոցիալական հարցերի, մշակույթի եւ կրթության հանձնաժողովի 36-րդ նիստը, որի օրակարգում թռչնի եւ խոզի գրիպի դեմ պայքարն է:
Երեւանյան նիստին մասնակցել են ութ երկրի, այդ թվում` Թուրքիայի պատվիրակները, իսկ Ադրբեջանի պատվիրակությունն այդպես էլ չի ժամանել Երեւան: Ինչպես լրագրողների հետ զրուցյում նշել է ՍԾՏՀ ԽՎ-ում հայկական պատվիրակության ղեկավար Գագիկ Մինասյանը, ադրբեջանական պատվիրակությունը միշտ էլ մասնակցել է Երեւանում կայացած նիստերին, սակայն այս անգամ ոչ միայն չեն ժամանել, այլեւ չեն նշել պատճառը:
Թուրքական «Ազգայնական շարժում» կուսակցության պատգամավոր Ռեշաթ Դողրուն էլ կտրականապես հրաժարվել է շփվել հայ լրագրողների հետ:
Բացելով նիստը` Գագիկ Մինասյանը ընթերցել է Ազգային Ժողովի նախագահ հովիկ Աբրահամյանի ողջույնի խոսքը, որում ասվել է, թե ՍԾՏՀ ԽՎ ձեւաչափը կարեւոր խթան է տարածաշրջանային համագործակցության զարգացման համար: