News
Լրահոս
News
Ուրբաթ
Հոկտեմբեր 18
USD
476.43
EUR
529.69
RUB
7.45
ME-USD
0.08
Տեսնել լրահոսը

«Ժամանակ» թերթը գրում է. «Հրաժարականի պատճառների մասին կխոսեմ ավելի ուշ, իր հրաժեշտի հայտարարության մեջ նշել էր ոստիկանապետ Վալերի Օսիպյանը սեպտեմբերի 18-ին: Մի քանի ժամ անց հայտնի դարձավ, որ պաշտոնանկ եղած ոստիկանապետը նշանակվել է Հայաստանի վարչապետի գլխավոր խորհրդական: Հանրությունն այդ նշանակումը ընդունեց տարաբնույթ արձագանքով: Շատերի մոտ հարց առաջացավ, թե նախկին ոստիկանապետը ինչպես եւ ինչ խորհուրդներ պետք է տա վարչապետին, որը, փաստորեն, դժգոհ է եղել նրա աշխատանքից ոստիկանապետի պաշտոնում: Համենայնդեպս, այդպես էր հայտարարել կառավարության աշխատակազմի ղեկավար Էդուարդ Աղաջանյանը՝ նշելով, որ Օսիպյանի եւ Վանեցյանի աշխատանքը չի գոհացրել վարչապետին:

Իսկ բանն այն է, որ Վալերի Օսիպյանը կարծես թե մասնագիտությամբ ոստիկան է եւ, ասենք, չի կարող վարչապետին տալ որեւէ այլ ոլորտի վերաբերյալ մասնագիտական գնահատական:

Ըստ այդմ պետք է արձանագրել, որ նրա խորհրդական նշանակումը քաղաքական ակտ է: Արդյոք Նիկոլ Փաշինյանը դրանով կանխո՞ւմ է հրաժարականի պատճառների մասին Վալերի Օսիպյանի խոսելը: Բանն այն է, որ Օսիպյանի այդ հայտարարությունը թողնում էր զգուշացման, կամ սպառնալիքի տպավորություն. եթե չարվի ինչ-որ բան, ապա կխոսեմ:

Իհարկե, սա առավելապես ենթադրություն է, մի վարկած, հնարավոր շատերի շարքում: Սակայն հետաքրքիր է, ե՞րբ է խոսելու Վալերի Օսիպյանը իր հրաժարականի պատճառների մասին, եւ կխոսի՞ վարչապետի գլխավոր խորհրդականի պաշտոնում աշխատելու ընթացքում: Թե՞ ավելի ուշ, երբ նա այդ պաշտոնն էլ կթողնի եւ արդեն կխոսի թե՛ ոստիկանապետի, թե՛ խորհրդականի պաշտոնները թողնելու պատճառների մասին: Եթե լուրջ, ապա այստեղ հատկանշական է, որ Վալերի Օսիպյանի պաշտոնանկության մասին դեռեւս պաշտոնական տեղեկությունների հրապարակումը չեղած, ռուսական «Ինտերֆաքսով» գնաց տեղեկություն, թե նրա հրաժարականը կապված է Ամուլսարի հարցի հետ, եւ վարչապետը Օսիպյանին հեռացրել է, որովհետեւ վերջինս չէր կարողանում ապահովել Ամուլսարի հարցում իշխանության խնդիրների լուծումն ու հանքի ճանապարհների բացումը:

Սա, իհարկե, կարող է լինել հերթական տեղեկատվական «բադիկը», որով լեցուն է հայկական եւ ռուսական մեդիադաշտը՝ Հայաստանի մասին հրապարակումների պարագայում, բայց, այդուհանդերձ, պաշտոնական մեկնաբանությունների սղությունը այդ «բադիկների» կյանքը երկարացնում է եւ ավելացնում թռիչքի բարձրությունը: Մյուս կողմից պետք է արձանագրել մի հատկանշական հանգամանք, որ Հայաստանի վարչապետի գլխավոր խորհրդական նշանակվում է նախկին ոստիկանապետը, այսինքն՝ ուժային կառույցի ղեկավար, որն այդ ոլորտում ունի թե՛ հետհեղափոխական, թե՛ նախահեղափոխական բարձրաստիճան աշխատանքի բազմամյա փորձ»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
«Փաստ». «Սասնա ծռերը» մերժվելով ժողովրդի կողմից՝ նոր պլանների են անցել. քարտ բլա՞նշ են ստացել վարչապետի կողմից
Եվ քանի որ նրանք վստահության պոտենցիալ չունեն...
«Հրապարակ». «Այստեղ նրբություն կա». Գեւորգ Կոստանյանը կխոսի Հրայր Թովմասյանի քրեական հետապնդման մասին
Իսկ եթե մեղադրանք առաջադրվի՞ Թովմասյանին...
«Հրապարակ». Արսեն Թորոսյանը, օգտվելով առիթից, ազատվեց ՔՊ-ական փոխնախարարից. նա նախարարի պոտենցիալ թեկնածու էր
Պատճառն Արարատ Միրզոյանի հետ վեճն էր ԱԺ-ում, բայց լուր տարածվեց, որ նրա հայրն անցնում է «Հայաստան» հիմնադրամի...
«Իրատես». «Իմ քայլի» նիստերում «ժուչո՞կ» է դրվում. «ով էս սենյակից մի խոսք դուրս հանեց, նրա...»
Սակայն «գործընթացի» ողբերգությունն այն է, որ «արտահոսքը» հիմա շատ ավելի է, քան նախկինում...
«Ժողովուրդ». Կառավարությունից քաղաքական հրահանգ է իջեցվել․ իշխանական թեւը բուռն աշխատանքային քննարկումների մեջ է
Բանն այն է, որ կառավարությունից քաղաքական հրահանգ է իջեցվել. մինչեւ տարվա վերջ պետք է ավարտել «Կուսակցությունների մասին» օրենքում...
«Հրապարակ». «Զախվատ» օպերացիա ընդդեմ Վանեցյանի. Ծեծելով ցուցմունք են կորզել
Դեռեւս Ռուբեն Հայրապետյանի՝ ՀՖՖ նախագահության տարիներին մարզադաշտի տնօրինության...