Հյուսիսային Կորեան Փհենյանի միջազգային աշնանային ցուցադրության ընթացքում ներկայացրել է հատուկ իր երկրի բնակիչների համար արտադրված «Կապույտ երկինք» նորագույն սմարթֆոնը, գրում է Planet Today-ը:
«Կապույտ երկինք» պոետիկ անվանումը ստացած սմարթֆոնը թողարկվել է ցուցադրությունից մեկ շաբաթ առաջ:
Հարկ է նշել, որ նորագույն մոդելը գերազանցում է ԿԺԴՀ արտադրության նախորդ գաջետները, վերջին մոդելներից մեկը կրում է «Փհենյան 2426» անվանումը:
«Կապույտ երկինք»-ը ունի 6-դյույմանոց էկրան, 4 տեսախցիկ: Շնորհանդեսի ժամանակ բոլոր ցանկացողները հնարավորություն են ունեցել փորձարկելու լուսանկարների որակը: Սակայն ոչ բոլոր ցանկացողները կարող են գնել այն. սմարթֆոնն արժե 290 դոլար, ինչը հանրապետության բնակիչների համար բավականին մեծ գումար է:Օտարերկրացիները եւս չեն կարող գնել այն, քանի որ նորագույն սմարթֆոնը նախատեսված է ԿԺԴՀ տարածքում վաճառքի համար: