iPad պլանշետների եւ MacBook Pro նոթբուքերի թոփային մոդելները՝ արտառոց դիսփլեյներով, կթողարկվեն 2020-ի վերջին 2021-ի սկզբին։ Դրանցում կօգտագործվի Mini-LED տեխնոլոգիան։ Այս մասին վերլուծական զեկույցում գրել է TF International Securities-ից Մին Չի Կուոն, ով հայտնի է որպես Apple-ի դեռեւս չթողարկված սարքերից տեղեկացված փորձագետ, հայտնում է MacRumors-ը։ Այս սարքերը նոր դիսփլեյներով կդառնան ավելի բարակ եւ թեթեւ, հայտնում է Vesti-ն։
Եթե ժամանակակից LED-դիսփլեյներում լուսավորման համար օգտագործվում է ամենաշատը հարյուր լուսադիոդ, ապա Mini-LED-երում դրանց թիվը կհասնի 10 000-ի, որոնցից յուրաքանչյուրի չափը կլինի 200 միկրոնից ոչ ավել։ Ակնհայտ է, որ սկզբնական տեխնոլոգիան էականորեն կբարձրացնի արտադրանքի ինքնարժեքը, այնպես որ այն կկիրառվի միայն ամենաթանկարժեք մոդելներում։
Mini-LED-երի օգտագործումը թույլ կտա ճկուն կերպով կառավարել էկրանի լուսավորությունը, դինամիկորեն մթնեցնելով անհրաժեշտ մասերը։ Սակայն, գլխավորն այն է, որ տեխնոլոգիայի ներդնումը Apple-ին թույլ կտա չգնել Samsung-ի վահանակները։
Կուոյի տվյալներով, Apple-համար Mini-LED-եր կպատրաստի LG Display-ը, իսկ մյուս բաղադրիչները կպատրաստեն Epistar-ը, Zhen Ding-ը, Radiant Opto-Electronics-ը, Nichia-ն, Avary Holding-ը եւ TSMT-ը։ Mini-LED-ով iPad-ի թողարկումը նախատեսված է 2020թ․ չորրորդ կամ 2021թ․ առաջին եռամսյակում, իսկ նույն էկրանով MacBook Pro-ն կթողարկվի մի եռամսյակ ավելի ուշ։