News
Լրահոս
News
Հինգշաբթի
Հոկտեմբեր 01
USD
488.58
EUR
573.93
RUB
6.32
ME-USD
0.01
Տեսնել լրահոսը

Եվրասիական տնտեսական միության երկրները մտադիր են միասնական արդյունաբերական ենթակառուցվածք ստեղծել Եգիպտոսում։ Այդ հեռանկարային նախագիծն արդեն կքննարկվի առաջիկա չորեքշաբթի ԵՏՄ արդյունաբերական քաղաքականության խորհրդի նիստում, որը տեղի կունենա Կահիրեում։ Այս մասին տեղեկացնում է ԲԵԼՏԱ-ն՝ հղում կատարելով աղբյուրին ԵՏՀ արդյունաբերության եւ ագրոարդյունաբերական համալիրի կոլեգիայում։

Օրակարգի հիմնական հարցերը, ըստ գործակալության, լինելու են համատեղ արդյունաբերական ենթակառուցվածքի ստեղծումը երրորդ երկրների տարածքում, «Էներգետիկայի օբյեկտների աշխատանքի արդյունավետության եւ հուսալիության բարձրացումը ԵՏՄ անդամ պետություններում» եվրասիական միջպետական ծրագրի մշակման առաջարկի դիտարկումը։

Բացի այդ, հանդիպման մասնակիցները կվերլուծեն «ԵՏՄ արդյունաբերության ճյուղերի տեխնոլոգիական մակարդակի փորձաքննության անցկացման առաջարկները ԵՏՄ-ում արդյունաբերության գերակա ճյուղերի իրավասությունների կենտրոնների ուղղությունների սահմանման եւ տեխնոլոգիական մակարդակի բարձրացման համար» գիտահետազոտական աշխատանքի կատարումը։

ԵՏՀ արդյունաբերության եւ ագրոարդյունաբերական համալիրի կոլեգիայի անդամ Ալեքսանդր Սուբոտինի խոսքով՝ «համատեղ արդյունաբերական ենթակառուցվածքի ստեղծումը Եգիպտոսի տարածքում կդառնա առաջընթացի պատուհան մեր արդյունաբերական արտադրանքի համար Աֆրիկայի եւ Մերձավոր Արեւելքի երկրներում»։

Խորհրդի նիստը, ճշտում է գործակալությունը, տեղի կունենա միջազգային արդյունաբերական եւ տեխնոլոգիական ցուցահանդեսի եւ «Մեծ արդյունաբերական շաբաթ» համաժողովի շրջանակում։ Դրա միջոցառումներին կմասնակցեն շահագրգիռ ձեռնարկությունների եւ բիզնեսի ներկայացուցիչները, ԵՏՄ անդամ երկրների պրոֆիլային նախարարությունների  եւ գերատեսչությունների ղեկավարները։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանը պատրաստ է հոկտեմբերի 9-ին Երեւանում անցկացնել ԵԱՏՄ միջկառավարական խորհրդի նիստը
Հայկական կողմը հանձնաժողովին տեղեկացրել է հոկտեմբերի 9-ին Երեւանում միջկառավարական խորհուրդը անցկացնելու պատրաստակամության մասին․․․
Կուբան մինչեւ տարեվերջ կարող է դիտորդի կարգավիճակ ստանալ ԵԱՏՄ-ում
Կուբային ԵԱՏՄ շրջանակներում դիտորդ պետության կարգավիճակ շնորհելու մասին որոշումը կարող է ընդունվել մինչեւ 2020 թվականի ավարտը․․․
Հնարավոր է՝ ԵՏՄ-ում ալկոհոլի վերաբերյալ տեխնիկական կանոնակարգի ուժի մեջ մտնելը հետաձգվի
Ալկոհոլային արտադրանքի անվտանգության վերաբերյալ ԵՏՄ տեխնիկական կանոնակարգը ուժի մեջ է մտնում 2021 թվականի հունվարի 9-ին․․․
ՌԴ ՆԳՆ-ն ԵԱՏՄ երկրների քաղաքացիներին ազգային վարորդական իրավունքներն օգտագործել թույլատրող օրինագիծ է մշակել
Օրինագիծը փոփոխում է «Ճանապարհային անվտանգության մասին» դաշնային օրենքի 25-րդ հոդվածի 13-րդ կետը...
ԵՏՀ Խորհուրդը սկսել է զբաղվել հայկական ավտոմեքենաների հետ կապված խնդրով
«Մասնավորապես, որոշվել է ընդլայնել Միության երկրների մաքսային մարմինների միջեւ տեղեկությունների փոխանակումը...
ԵՏՀ-ն կնեկայացնի ԵԱՏՄ-ում ապրանքի ծագման երկիրը հաստատելու կանոնները
Մենք առանձնահատուկ ուշադրություն ենք դարձնում ապրանքների ծագման երկիրը հաստատելու կանոնների ստեղծմանը եւ պետական գնումների նպատակով եվրասիական արդյունաբերական արտադրանքի գրանցամատյանի վարմանը․․․