Արագածոտնի մարզի Սասունիկ համայնքում այսօր անցկացվող «Իմ քայլը հանուն Արագածոտնի մարզի» ներդրումային բիզնես ծրագրերի ֆորումին ՀՀ վարչապետ Նիկոլ Փաշինյանը 30 րոպպեով հեռացավ դահլիճից:

Նրա վերադառնալու ընթացքում լրագրողները հետաքրքրվեցին, թե որն էր պատճառը, որ վարչապետը 30 րոպեով բացակայեց ֆորումից, արդյոք առողջական խնդիրներ կան, վարչապետը պատասխանեց, որ առողջական խնդիրներ չկային, աշխատանքային  քննարկում էր պարզապես:

Նշենք, որ այսօր Արագածոտնի մարզի Սասունիկ համայնքում՝ «Արմենիա Վայն» գինու գործարանում անցկացվում է «Իմ քայլը հանուն Արագածոտնի մարզի» ներդրումային բիզնես ծրագրերի ֆորումը: Նշենք, որ մինչ այդ նման համաժողովներ են անցկացվել Կոտայքի, Արարատի, Լոռու, Գեղարքունիքի, Սյունիքի, Տավուշի, Շիրակի մարզերում:

Ֆորումի ընթացքում ներկայացվելու է մարզի պոտենցիալը, առաջարկվելու եւ քննարկվելու են տարբեր մեծ ու փոքր ներդրումային ծրագրեր: Լինելու է նաեւ էքսպո ցուցահանդես։