Ընդամենը կես րոպեի ընթացքում Սան Ֆրանցիսկոյի պատկերասրահից անհայտ անձը գողացել է Սալվադոր Դալիի «Բոցավառ ընձուխտ» փորագրանկարը: Նկարի չափսը՝ 50×65 սմ:
Հսկող տեսախցիկները ֆիքսել են գողության պահը: Տղամարդը մտել է մասնավոր պատկերասրահ, վերցրել փորագրանկարն ու հանգիստ դուրս եկել շենքից:
Այժմ պատկերասրահի աշխատակիցները պարզում են՝ ինչու հատուկ մոլբերտի վրա, որին ամրացված է եղել փորագրանկարը, փական չկար, հաղորդում է ՌԻԱ Նովոստին:
Նշվում է, որ փորագրանկարներն ավելի էժան են, քան օրիգինալ նկարները: Կրկնօրինակի գինը հասնում է մինչեւ 20 հազար դոլար: