Իրանը եւ Սաուդյան Արաբիան հայտարարել են դիվանագիտությունը շարունակելու պատրաստակամության մասին, որպեսզի վերջ դնեն տարաձայնություններին։ Այս մասին հայտարարել է Պակիստանի ԱԳՆ ղեկավար Շահ Մահմուդ Կուրեշին՝ Թեհրան եւ Էր Ռիադ երկրի վարչապետի այցերից հետո, հայտնում է AP-ը։
Նրա խոսքերով, սաուդյան եւ իրանական ղեկավարությունները Պակիստանի վարչապետ Իմրան Խանի հետ հանդիպումից հետո հայտարարել են խոսելու պատրաստակամության մասին։ Կուրեշին լրացուցիչ մանրամասներ չի ներկայացրել։
Խանի միջնորդական ջանքերը սկսվել էին այն բանից հետո, երբ Վաշինգտոնը Թեհրանին մեղադրել էր սաուդյան նավթահանքերը գրոհելու մեջ։ Իրանը մեղադրանքները հերքում է։
