Ամերիկյան զինուժը, լքելով Սիրիայում ռազմաբազաները, սիրիական Ալ Ջազիրա շրջանից դեպի Իրաք է տեղափոխում ԻՊ-ի հարյուրավոր ահաբեկիչներին, որոնք ավելի վաղ ձերբակալվել էին նրանց կողմից, հաղորդում է ՍԱՆԱ-ն:
«Տեղեկատվական եւ տեղական աղբյուրների տվյալներով՝ ամերիկյան ուժերը Հասակե նահանգի արեւելքում գտնվող Ալ Հոլ ճամբարից տեղափոխել են տասնյակ ահաբեկիչներին՝ նշելով, որ ճամբարի երկնքում կան ամերիկյան ուղղաթիռներ: Այդ տեղափոխումն իրականացվել է շուրջ մեկ օրվա ընթացքում, երբ ամերիկյան օկուպանտները դուրս են բերել ԻՊ-ի 230 օտարերկրացի ահաբեկիչներին, որոնք պահվում էին Ալ Մալիկիա քաղաքի բանտում»,-նշում է գործակալությունը:
