Հարկերի հավաքման բարձր ցուցանիշները կապահովվեն ստվերային տնտեսության կրճատման հաշվին։ Այս մասին հոկտեմբերի 28-ին խորհրդարանական մշտական հանձնաժողովների համատեղ նիստում 2020թ․ պետական բյուջեի նախագծի նախնական քննարկման ժամանակ ասաց Կենտրոնական բանկի նախագահ Արթուր Ջավադյանը։

Բացի այդ, նրա խոսքերով, պետբյուջեի ծախսերը ՀՆԱ-ի համեմատ կմեծանան 2 տոկոսային նիշով՝ կապված կապիտալ ծախսերի կանխատեսվող զգալի աճի հետ։

«Կապիտալ ծախսերը կաճեն 2,2 տոկոսային նիշով եւ կկազմեն ՀՆԱ-ի 5 տոկոսը։ Թեեւ 2020թ․ պետական պարտքը կշարունակի նվազել, սակայն ծառայությունների մասնաբաժինը նախկինի պես կմնա բարձր։ Այդ դեպքում կարեւոր է բարելավել պարտքի կառուցվածքը, մասնավորապես, արտաքին պարտքը փոխարինել ներքին պարտքով»,- պարզաբանեց ԿԲ նախագահը։