ԵՄ-ը պատրաստակամություն է հայտնել 2020 թվականին Հայաստանին հատկացնել 78,8 մլրդ դրամի դրամաշնորհներ եւ ֆինանսական օգնություն։ Այս մասին խորհրդարանական մշտական հանձնաժողովների համատեղ նիստում, 2020 թվականի պետբյուջեի նախագծի քննարկման ժամանակ, նոյեմբերի 1-ին ասաց Հայաստանի ֆինանսների նախարար Ատոմ Ջանջուղազյանը։ Ինչպես նշեց նախարարը, այդ գումարը կտրամադրվի տարբեր ծրագրերի, այդ թվում հետագա բարեփոխումների իրականացման համար։