Վիետնամում երաժշտության դասատուն 11 տարվա ազատազրկման է դատապարտվել Facebook-ում գրառման համար: Գրառումը դիտարկվել է որպես պետությունը պառակտելու փորձ, հաղորդում է AFP-ը:
42-ամյա Նգուեն Նանգ Տինը դատապարտվել է մեկնաբանության համար, որում նա գրել է թայվանական պողպատի ընկերության մասին, որը թունավոր շլամ է արտանետում օվկիանոս, ինչը հանգեցնում է կենտրոնական Վիետնամում ձկների զանգվածային անկման:
Իշխանությունները նրան մեղադրել են սոցցանցերում «թշնամական մտքեր» եւ «հակակառավարական նյութեր» տարածելու համար:
Տղամարդը դատապարտվել է 11 տարվա ազատազրկման «Վիետնամի պառակտմանն ուղղված տեղեկատվության եւ փաստաթղթերի տարածման համար»:
Նրա հայրը պնդել է, որ իր որդին մեղավոր չէ, նա միայն «հանդես է եկել հասարակության մեջ անարդարության դեմ»:
