Երեւանում, նոյեմբերի 17-ին, ավտոմեքենաների ջարդ է տեղի ունեցել. ժամը 22:00-ի սահմաններում Երեւանի բնակիչ, 23-ամյա Արմեն Մ.-ն իր վարած Mercedes մակնիշի 18 GA 881 համարանիշի ավտոմեքենայով Մոսկովյան փողոցում բախվել է բազալտե եզրաքարին, առաջ ընթացել, բախվել ճանապարհի թույլատրելի հատվածում կայանված Երեւանի բնակիչ, 28-ամյա Ռուբեն Հ.-ին պատկանող BMW մակնիշի 34 ՏQ 973 համարանիշի ավտոմեքենային, այնուհետեւ առաջ ընթացել եւ բախվել ճանապարհի թույլատրելի հատվածում կայանված, Արմավիր քաղաքի բնակիչ, 28-ամյա Լյուդվիկ Հ.-ին պատկանող Mini cooper մակնիշի 07 GG 877 համարանիշի ավտոմեքենային, այնուհետեւ նորից առաջ ընթանալով՝ բախվել ճանապարհի թույլատրելի հատվածում կայանված, Երեւանի բնակիչ, 53-ամյա Գագիկ Ա.-ին պատկանող Wrangler մակնիշի 98 ZZ 100 համարանիշի ավտոմեքենային:
Shamshyan.com-ի հաղորդմամբ, վթարի հետեւանքով Արմեն Մ.-ն ու նրա ուղեւոր, 23-ամյա Ռոման Ն.-ն մարմնական վնասվածքներով տեղափոխվել են թիվ 1 համալսարանական հիվանդանոց:
