ՆԱՏՕ-ն այսօր նույնքան կարեւոր է, որքան սառը պատերազմի ժամանակ: Այս մասին հայտարարել է Գերմանիայի կանցլեր Անգելա Մերկելը՝ հաստատելով պաշտպանական ծախսերը մեծացնելու մտադրությունը, հաղորդում է AP-ը:
Ելույթ ունենալով Գերմանիայի խորհրդարանում Լոնդոնում կայանալիք ՆԱՏՕ-ի գագաթաժողովից առաջ՝ Մերկելը նշել է, որ «Եվրոպան չի կարող միայնակ պաշտպանվել, մենք ապավինում ենք տրանսատլանտյան դաշինքին»:
«ՆԱՏՕ-ի պահպանումն այսօր ավելի կարեւոր է, քան սառը պատերազմի տարիներին: Մեզ համար կարեւոր է աշխատել այդ դաշինքում եւ ավելի շատ պատասխանատվություն ստանձնել»,- ասել է նա:
2014 թվականին ՆԱՏՕ-ի անդամները համաձայնել են մինչեւ 2024 թվականը մեծացնել պաշտպանական ծախսերը՝ մինչեւ ՀՆԱ 2%:
Մերկելը նշել է, որ մինչեւ 2024 թվականը ծախսերը կմեծանան մինչեւ 1,5% եւ կհասնեն 2%-ի մինչեւ 2030-ականների սկիզբը:
