Խելացի հեռուստացույցը կարող է ձեզ լրտեսել, զգուշացնում են ՀԴԲ-ից: Խելացի հեռուստացույցների շատ մոդելներ, որոնք հագեցած են համացանցի միջոցով հոսքային փոխանցման հնարավորություններով եւ դեմքերի ճանաչման տեխնոլոգիայով, կարող են խոցելի լինել կոտրելու համար, փոխանցում է Americaru-ն:
ՀԴԲ-ից հայտարարում են, որ չարամիտները կարող են ստանալ այդ սարքերի վերահսկողությունը եւ վնաս հասցնել ոչինչ չկասկածող տերերին: «Խելացի հեռուստացույցները եւ հաջորդ սերնդի սարքերը գործում են բարդ ծրագրային ապահովմամբ, միանում են համացանցին եւ հաճախ պարունակում են ներկառուցված հաղորդիչներ, օրինակ՝ բարձրախոսներ: Հաքերները կարող են դրանք կոտրել եւ ձեզ հետեւել անձնական տեղեկություններ ստանալու նպատակով»,- ասում է կիբեռանվտանգության հարցերով փորձագետ Մեթ Թեյթը:
Հնարավոր ներխուժումը կանխելու համար ՀԴԲ-ն խելացի հեռուստացույցների տերերին խորհուրդ է տալիս ծանոթանալ սեփական սարքի անվտանգության կարգավորումներին, փոխել գաղտնագրերը, որոնք դրված են արտադրողների կողմից, եւ հասկանալ՝ ինչպես միացնել ու անջատել բարձրախոսները եւ խցիկները: Խցիկի վրա սեւ ժապավեն փակցնելը հետեւելը կանխելու հիմնական եւ պարզ լուծումներից մեկն է:
