News
Լրահոս
News
Չորեքշաբթի
Հունվար 29
USD
478.58
EUR
526.53
RUB
7.65
ME-USD
0.06
Տեսնել լրահոսը

ՀՀ ՔԿ Լոռու մարզային քննչական վարչությունում ավարտվել է վատնման եղանակով հափշտակություն, պաշտոնեական կեղծիք կատարելու, յուրացում կատարելուն օժանդակելու դեպքի առթիվ հարուցված քրեական գործի նախաքննությունը: Երեք անձի մեղադրանք է առաջադրվել:

ՀՀ Քննչական կոմիտեից NEWS.am-ին հայտնում են, որ նախաքննության ընթացքում իրականացված քննչական գործողությունների արդյունքում պարզվել է, որ Վանաձոր քաղաքի միջնակարգ դպրոցներից մեկի տնօրենը, 1998 թվականից զբաղեցնելով նշված պաշտոնը, կատարել է պաշտոնեական կեղծիք:

Քննության տվյալներով՝ տնօրենը, հաստատապես տեղյակ լինելով նույն դպրոցում որպես տեխնոլոգիայի ուսուցիչ եւ համատեղության կարգով էլեկտրիկ գրանցված անձի՝ 2014 թվականի հունվարից մինչեւ 2018 թվականի վերջ, ինչպես նաեւ նույն դպրոցում որպես դաստիարակ գրանցված աշխատակցի՝ 2016 թվականի մայիսից մինչեւ 2017 թվականի փետրվար ընկած ժամանակահատվածում աշխատանքի չհաճախելու, աշխատանքային պարտականությունները չկատարելու հանգամանքի մասին, դիտավորությամբ, շահադիտական դրդումներից ելնելով, ուսումնական գծով տնօրենին հանձնարարել է կազմել եւ իր հաստատմանը ներկայացնել իրավունք վերապահող, պաշտոնական փաստաթուղթ հանդիսացող աշխատաժամանակի հաշվարկի կեղծ տեղեկագրեր, որոնցում իրականությանը չհամապատասխանող տեղեկություններ են ներառվել՝ նշված ժամանակահատվածում հիշյալ աշխատակիցների կողմից աշխատանքի հաճախելու եւ փաստացի աշխատած ժամաքանակի վերաբերյալ:

Այնուհետեւ, տնօրենը, վերոհիշյալ կեղծ փաստաթղթերը շրջանառության մեջ դնելով, ներկայացրել է վճարման, որի հիման վրա՝ չաշխատած օրերի դիմաց, որպես աշխատավարձի գումարներ, տեխնոլոգիայի ուսուցչի անվամբ կազմակերպության բյուջեից անհիմն դուրս է գրվել 5 216 477, իսկ դաստիարակի անվամբ՝ 914 666 դրամ գումար, որը վերջիններս ստացել եւ օգտագործել են իրենց անձնական կարիքների համար. արդյունքում՝ դպրոցի տնօրենը, օգտագործելով իր պաշտոնեական դիրքը, վատնման եղանակով հափշտակել է կազմակերպության՝ առանձնապես խոշոր չափերի՝ 6.131.143 ՀՀ դրամ գումարը։

Մինչդատական վարույթում ձեռք բերված ապացույցների համակցությամբ՝ միջնակարգ դպրոցի տնօրենին մեղադրանք է առաջադրվել՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով եւ 314-րդ հոդվածի 1-ին մասով, ուսումնական գծով տնօրենին՝ 314-րդ հոդվածի 1-ին մասով, իսկ տեխնոլոգիայի ուսուցչին՝ 38-179-րդ հոդվածի 3-րդ մասի 1-ին կետով:

Ինչ վերաբերում է դաստիարակին, ապա նրա նկատմամբ քրեական հետապնդումը դադարեցվել է՝ ՀՀ քրեական դատավարության օրենսգրքի 37-րդ հոդվածի 2-րդ մասի հիմքով:

Նախաքննության ընթացքում միջնակարգ դպրոցից վատնման եղանակով հափշտակված 6.131.143 դրամն ամբողջությամբ վերականգնվել է:

Հայտարարվել է նախաքննության ավարտի մասին, եւ քրեական գործը՝ մեղադրական եզրակացությամբ, ուղարկվել է դատարան:

Տպել
Կարդացեք նաև
Ամբողջը
Սի Ցզինփինը Չինաստանում համաճարակաբանական իրավիճակը լուրջ եւ բարդ է անվանել
«Այս պահի դրությամբ համաճարակի դեմ պայքարի հետ կապված իրավիճակը նախկինի պես մնում է լուրջ եւ բարդ...
Վթարի է ենթարկվել Արարատի մարզի հարկային ծառայության պետին սպասարկող մեքենան
Վերջինս վթարի պահին ավտոմեքենայում չի եղել…
Վայոց ձորի նախկին մարզպետի օգնականի եղբայրը եւս 2 ամիս կմնա կալանքի տակ
Վայոց ձորի նախկին մարզպետի օգնականի եղբոր՝ Զավեն Գրիգորյանի նկատմամբ կիրառված կալանավորման ժամկետը դատավոր Արտակ Թադեւոսյանի կողմից երկարացվեց եւս 2 ամսով…
24-ամյա Էդգարը հետախուզվում էր իշխանության ներկայացուցչի նկատմամբ բռնություն գործադրելու համար. նրան գտել են
Հետախուզվողը բերման ենթարկվեց Իսակովի պողոտայից…
Չինաստանում սկսել են մարդիկ կալանավորել կորոնավիրուսի մասին ֆեյքերի պատճառով
Կորոնավիրուսի մասին ֆեյք նորությունների տարածման համար մարդկանց կալանավորում են...
Մխիթար Գոշի եւ Լազյան փողոցների խաչմերուկում հափշտակել է բջջային հեռախոսը եւ դիմել փախուստի
Տարոնի ոստիկանները հայտնաբերել են կողոպուտ կատարած անձին…