Վարչապետ Նիկոլ Փաշինյանի մամուլի քարտուղար Վլադիմիր Կարապետյանը սպասվող կադրային ջարդի նշաններ չի տեսնում։ Նա այդ մասին ասաց այսօր՝ դեկտեմբերի 13-ին, լրագրողների հետ զրույցում՝ մեկնաբանելով վարչապետի երեկվա հայտարարությունը, որ պետական համակարգը դիմադրում է հեղափոխությանը։

Հարցին՝ արդյոք այդ հայտարարությունը առաջիակյում սպասվող կադրային ջարդի մասին է վկայում, Կարապետյանն ասաց․  «Չգիտեմ՝ ինչի մասին եք խոսում: Կառավարության ղեկավարը բազմիցս ասել է, որ պետծառայողների 95 եւ ավելի տոկոսը նախկիններից է մնացել, բայց որևէ կադրային ջարդ չեղավ։ Եվ չեմ կարծում, թե կան դրա նշանները։ Վարչապետը հայտնել է իր վերաբերմունքն է հայտնել գործընթացների վերաբերյալ, եւ կարծում եմ, բոլորս եզրակացություններ կանենք նրա մոտեցումների մասին»: