Տարին ավարտում ենք լավ տարամդրությամբ: Այս մասին Եվրասիական տնտեսական բարձրագույն խորհրդի նիստի սկզբում հայտարարեց ՀՀ վարչապետ Նիկոլ Փաշինյանը:
Նա նշեց, որ օրակարգի բոլոր հարցերի շուրջ մասնակիցների մոտ կոնսենսուս կա: «Այդ կապակցությամբ մենք միանգամից կարող ենք անցում կատարել փաստաթղթերի ստորագրամանը: Դա լավ նշան է, լավ մթոնոլորտ: Քանի որ Հայաստանն ավարտում է ԵՏՄ-ում նախագահությունը, ցանկանում եմ շնորհակալություն հայտնել բոլորին: Կարծում եմ, որ արդյունավետ համագործակցություն ստացվեց եւ հուսով եմ, որ կշարունակենք այդ ոգով»,- նշեց Փաշինյանը:
Նրանից հետո ելույթ ունեցավ Բելառուսի նախագահ Ալեքսանդր Լուկաշենկոն, սակայն Փաշինյանը ընդհատեց նրան՝ նշելով, որ կցանկանար Բելառուսին շնորհավորել ԵՏՄ-ում նախագահության կապակցությամբ: Ի պատասխան՝ Լուկաշենկոն Փաշինյանին եւ հայկական կողմին շնորհակալություն հայտնեց կազմակերպությունում արդյունավետ նախագահության համար:
