ՆԱՏՕ-ի գլխավոր քարտուղար Յենս Ստոլտենբերգը պատրաստ է անձամբ հանդիպել Ռուսաստանի նախագահ Վլադիմիր Պուտինի հետ՝ քննարկելու դաշինքի եւ Մոսկվայի հարաբերություններում եղած դժվարությունները: Նա այս մասին հայտարարել է երկուշաբթի հրապարակված DPA գործակալության հետ հարցազրույցում:
«Եթե շրջանակային պայմանները հարմար լինեն, ապա ես կհանդիպեի նախագահ Պուտինի հետ»,- ասել է Ստոլտենբերգը: Նրա կարծիքով՝ հատկապես մի ժամանակում, երբ հարաբերություններում բարդություններ կան, կարեւոր է միասին նստել բանակցությունների սեղանի շուրջ: